ANGELINA KANAPI
Marahil ay pamilyar na rin ang kanyang mukha dahil kabi-kabila ang kanyang mga nilalabasang panoorin sa pelikula at telebisyon. Masasabi ring mas sikat siya bilang isang stage actress dahil sa entablado talaga ang masasabi niyang kanyang tunay na ‘tahanan’ at pinagmulan. Nakatatak naman sa mga indie film addicts ang kanyang imahe dahil sa tuhog at nakagigilalas na pagganap niya sa isang eksena doon sa ‘SPONSOR’ ni Mark Shandii Bacolod. Maya’t maya ay nasa MMK rin siya at kabi-kabila ang raket sa teatro. Malapit na naman siyang mapapanood sa ‘ANG MISIS NI MAYOR’ sa direksyon ni ARCHIE DEL MUNDO bilang bestfriend ng karakter na ‘Melba’ ni Marife Necesito. Hindi matawaran ang talento nitong si ANGELINA KANAPI sapagka’t masasabing totoong alagad siya ng sining sa pag-arte at isa sa mga bunga ng UP Theater kasabay nina Eugene Domingo, Candy Pangilinan at marami pang iba sa ilalim ng mapanuring paggabay nina Tony Mabesa at Anton Juan. Isa siya sa mga nagbibigay ng kakaibang ningning ng bawa’t panooring kasama siya… REMEMBER THE FACE : ANGELINA KANAPI!
Related articles
- Senators’ explanation of their votes (excerpts) (newsinfo.inquirer.net)
- Hugh Hefner’s Ex Speaks Out About Hef and Crystal Reuniting (celebs.gather.com)
- Angelica Panganiban & Derek Ramsay : Breaking Up for Convenience? (aliwanavenue.wordpress.com)
Aliwan Avenue 