TULUYAN nang tinanggal sa cast si Iwa Moto sa isang sitcom ng GMA, not because she’s emotionally unprepared for the role. Ang dahilan: umiwas na ang buong production staff na masundan pa ang kinasangkutang aberya ni Iwa that she had caused upon herself.
Nauna nang nagwala ang sexy actress nang itakbo ni Mickey Ablan ang kanyang cellphone, dahilan para ibaling nito ang galit sa nakaparadang sasakyan ng ex-dyowa. Na-pack up tuloy ang taping ng sitcom, leaving three unfinished scenes of Iwa.
Asang-asa na sana ang staff na balik-trabaho na si Iwa the next day, pero nabalita namang nag-overdose ito and had to be rushed to the hospital. Again, hindi natapos ni Iwa ang remnants ng tatlong eksenang naumpisahan na niyang gawin.
Days later, kinailangan nang palibutan ng tarpaulin ng buong cast ng sitcom ang GMA. Nang akmang ikakabit na ang tarp ni Iwa, the ones assigned to do the job got an urgent call from the production head: huwag na raw magpakapagod ang mga ito dahil tsinugi na si Iwa sa sitcom.RONNIE CARRASCO III
Aliwan Avenue 