SA October 1 na ang huling araw na mapapanood si Kris Aquino sa Pilipinas Win Na Win ng ABS-CBN 2.
Kung ating matatandaan, may balitang matsutsugi na ang show sa pagtatapos ng Setyembre. Pero isang press statement ang ipinadala sa amin ni Mr. Bong Osorio, head ng ABS-CBN Corporate Communications, na nagsasabing tuloy pa rin ang Pilipinas Win Na Win pero aalis na nga si Tetay.
Sa pag-alis ni Kris, apat na male host ang ipinalit rito ng Kapamilya Network management. Ito ay sina Rico J. Puno, Rey Valera, Marco Sison, at Nonoy Zuñiga. Sasamahan pa rin sila nina Pokwang at Valerie Concepcion.
Kaya sa October 2, mapapanood na sina Rico, Rey, Marco, at Nonoy together with Pokwang and Valerie upang ipagpatuloy ang pagbibigay ng aliw, tuwa, laro, at pag-asa sa mga Filipino sa buong mundo.
MARICRIS NICASIO
Aliwan Avenue 