ANG PANAGINIP … BOW!

Ito bale ang pinakahuling parte ng ating pakikipag-ugnayan kay Madam Rosa para dito sa Aliwan Avenue. Salamat naman at nai-share ni Madam Rosa sa mga readers ng A.A. ang kanyang mga kaalam sa mundo ng supernatural. Marami na siyang mga prediksyon na nagkakatotoo, kaya naman ang mga regular clients niyang mga pamosong celebrities ay sadyang panay ang balik sa kanya para patuloy na magpa-konsulta.
Kahapon ay in-interpret ni Madam Rosa sa mga readers A.A. ang kahulugan ng mga panaginip ukol sa mga hayop (animals). Ang mga hayop kasi ay mga simbolo rin ng kung ano’ng malalalim na kahulugan o pangyayari. Ngayon naman, sa bagong isyu na ito ng A.A. ay mga dream interpretations naman ukol sa mga ordinaryong bagay ang ilalahad ni Madam Rosa. Basahin n’yo:
1.) BUHOK-   “Ang buhok ay nagbabadya ng maitim at misteryosong mga pangyayari sa paligid. Kaya naman kadalasan, sa mga horror films, lagi nating nakikita ang mga mahahaba at maiitim na buhok ng mga multo na kakila-kilabot. Lalo na kapag ito’y nililipad ng hangin, tunay namang ang buhok ay nagbabadya ng katatakutan.
“Kaya naman, kapag ika’y nanaginip ng buhok, posibleng may multo sa bahay ninyo. Minamatyagan ka. Kung minsan ay hinihimas ka na, pero hindi mo pa nararamdaman. Kaya naman sa panaginip mo na lang siya makikita, sa pamamagitan ng buhok. Pero bukod sa may multo sa bahay ninyo, kapag nanaginip ka rin ng buhok, maaari ring may asuwang sa paligid ng bahay ninyo at inaasuwang ka na. Kaya dapat, kapag nagising ka na sa pinanaginip mong buhok ay magdasal ka na. O kaya, kumuha ka ng holy water at i-bless ang paligid mo. Pagkatapos, magsuot ka rin ng kuwintas na puro bawang (garlics) at isabit sa leeg mo.”
2.) KAMAY- “Ang kamay ay simbolo ng trabaho at kasipagan. Kasi, laging mga kamay natin ang ginagamit natin sa ating mga trabaho o propesyon. Tulad sa mga manunulat, kung wala ang kamay nila, hindi sila makakapag-type sa computer. O kaya, ang mga dentista. Kung wala rin ang kamay nila, hindi nila mabubunot ang ipin ng mga pasyente nila. Kaya naman, laging mga kamay natin ang gumagawa ng ating ikakabubuhay sa pang-araw-araw.
“Kaya naman, kapag nanaginip ka ng kamay, ang kahulugan niyon ay magkakaroon ka ng mga bagong assignments sa trabaho mo. Kung manunulat ka, magkakaroon ka ng mga bagong iinterbyuhin na artista para mas madami kang masulat. At kung dentista ka, mas yayaman ka dahil mas maraming papasok na magpapabunot ng ipin sa klinika mo. Kaya masuwerte rin kapag nanaginip ka ng kamay. Basta huwag mo lang gagamitin ang mga kamay mo sa masasamang paraan, panatilihing malinis ang mga kamay mo at aasenso ka. Tanggapin mo ang mga panibagong hamon ng mga assignments mo.”
3.) PAA- “Ang paa naman ay simbolo ng mga landas na tatahakin. Kaya naman ang mga paa natin ay palagiang kumikilos. Kapag nabugnot tayo at nainip dahil nakapuwesto lang tayo sa isang sulok, ang mga paa natin ay mas grabe ang nararamdamang pagkainip. Kung minsan, kusang kikilos yun at kukuyakoy dahil sa pagkainip at gustong-gusto nang lumarga. Kaya naman, ang mga tao ay dapat na laging lumalakad. Ika nga ng slogan ng Johnny Walker whiskey-KEEP ON WALKING.”
“Kaya naman, kapag nanaginip ka ng paa, ang ibig sabihin nu’n ay marami ka pang mga tungkulin na gagampanan sa buhay mo. May mga misyon ka pa sa buhay na dapat gawin, o kaya, mga panibagong lugar na dapat mong mapuntahan. Dapat ay maging mas matapang ka pa sa buhay kapag nanaginip ka ng paa. Pero ito naman ay nag-aalay din ng positibong pananaw sa buhay.”
4.) UBAS- “Kapag nanaginip ka ng ubas, marami ring simbolismo ito. Ang ubas ay bilog, at kapag namunga ay marami at magkakadikit. Kaya naman suwerte rin at positibo ang dating kapag nanaginip ka ng ubas. Ang ibig sabihin nito ay mas lalong dadami ang mga kaibigan mo. Mas marami ang mga faebook friends mo na magmamahal sa iyo. Dadami rin ang ipon mo. Lalo na ang mga pera mo sa bangko at alkansiya, madadagdagan pa yun. … Maganda rin ang epekto ng panaginip mo sa ubas sa flow of romance mo ngayon sa taong mahal. Dahil ang ubas ay nakakalasing, tulad ng pagibig, lalong mahuhumaling sa iyo ang taong minamahal mo.”
5.) ISDA-  “Maski anong uri ng isda sa panaginip ay maganda ang ibig sabihin. Ang mga isda kasi ay maliliksi, maagap, at aktibo. Kapag lumangoy sila sa karagatan, tila wala nang katapusan. Kaya naman, kapag nanaginip ka ng isda, ang ibig sabihin nito’y tatakbo ng masigla ang negosyo mo. At walang hanggang kalayaan din ang mararamdaman mo sa buhay.”
6.) BIGAS- “Ang bigas ay korteng bilog din na pahaba. Ito rin ay simbolo ng kasaganaan sa buhay. Kaya naman kapag nanaginip ka ng bigas, ang ibig sabihin nu’n ay magkakapera ka.”
7.) PAPEL- “Kung walang titulo ang lupain mo, ibig sabihin nu’n ay hindi sa iyo. At saan isinusulat ang titulo ng lupa? sa papel, di ba? Kaya naman kapag nanaginip ka ng papel, ibig sabihin nu’n ay magkakaroon ka ng lupain at house and lot.”
8.) STAR (BITUIN)- “Ang simbolo ng bituin ay kaningningan at kasikatan. Kaya naman kapag nanaginip ka ng bituin, ibig sabihin nu’n ay makikilala ka at tatanyag. Bukod dito, magkakapera ka pa.”
9.) PUNO- “Hahaba pa ang buhay mo.”
10.) KUBETA- “May darating na pera.”
11.) ULAN- “Magiging suwerte ang bagong bukas na negosyo mo.”
12.) PUTIK- “Magkaka-problema ka sa buhay mo.”
13.) LUPA- “Magiging humble ka at mapag-kumbaba.”
14.) SINGSING- “May nagmamahal sa iyo.”
15.) MASKARA- “May nagkukunwari sa ‘yo.”
16.) APARADOR- “May nawawala kang pag-aari na dapat hanapin.”
17.) MIRROR (SALAMIN)- “May espiritung gumagala sa bahay mo”
18.) PITAKA- “Kung ano ang binabalak mong bilhin ay maaantala.”
19.) NUMERO (NUMBER)- “Dapat na tumaya ka sa lotto.”
20.) UPO, TALONG O BASEBALL BAT- “Nananabik ka na sa
boyfriend mo.”