Ma. Salome Villasquez aka ISADORA, ngayon
Halata na marahil ang age ko. Wala naman talaga tayong magagawa sa panahon, darating at lumilipas ito. Hindi natin napipigilan ang pag-ikot ng world. At marahil, minsan nakapagpapabata ang muling pag-konek sa mga dating kaibigan lalo na noong kabataan natin. Isa rito si Doray, or better known noong 80s as ISADORA. Nakilala ko siya nang mapasama ako sa ‘ALAPAAP’, at naging close friends kami. Hindi siya showbis, hindi siya plastik. Napaka-down-to-earth at walang kakieme-kieme sa katawan. Malandi nga lang. Hahaha. Chikka! Sumikat man siya sa kanyang mga solo starrers na ‘AMANDA’ at ‘ANG LIHIM NG KALAPATI’, wala akong naramdamang pagbabago sa kanyang pag-uugali. Masaya lahat ang aming memories together, puwera lang nang magkontrabida si Rose Flaminiano! Ah, thats all past at masaya naman ako at muli kaming nagkakontakan at siya ay masaya sa buhay niya ngayon.
Bigla ko tuloy naalala ‘yong na-feature siya sa MAGPAKAILANMAN ni Mel Tiangco sa GMA; hindi ako maka-relate kasi mukhang 1/5th lang ang totoong mga pangyayari. Ginawan talaga siya ng ‘bagong buhay’ sa episode na ‘yon. Maraming kabulaanan ang ipinakita doon at syempre pa, superkulang talaga ang kwento kasi hindi nakajoin ang character ko! Asa ka pa!
EklaVumer
Aliwan Avenue 