‘notes’ exposure ni coco, not a demolition job… lalo siyang sumikat , noh???

ALAM n’yo bang ngayon pa lang pinagpapasa-pasahan sa mga Yahoo group sa Internet ang video grabs ng mga eksena nina Coco Martin at Mercedes Cabral sa Serbis na kitang-kita ang naghuhumindig na “sandata” ni Coco?

Last year pa ipinalabas ang indie film na ‘yon ni direk Brillante “Dante” Mendoza , pero nitong huling linggo ng Hunyo, dalawang beses kaming nakatanggap sa isa sa aming Yahoo mailboxes ng mga litrato ng sex scene na ‘yon nina Coco at Mercedes. Doon sa pangalawa ay may “bonus” pang mga litrato naman ng mga eksena naman ni Christofer King habang bini-bj siya sa sinehan na siyang nag-iisang lunan (setting) ng pelikula.

Bakit kaya biglang ngayon lang pinagpapasa-pasahan ang mga ‘yon? Dahil kaya sikat na si Coco sa mainstream showbiz dahil sa mahusay na pagganap n’ya bilang kontrabidang may napakaamong mukha sa Tayong Dalawa ng ABS-CBN 2?
May demolition job kaya laban kay Coco o talaga lang type na type siya ng mga bading na nagpo-post sa Internet ng mga eksena nilang ‘yon ni Mercedes?

At kung may websites din para sa mga lesbian, ipino-post din kaya roon ang mga eksenang ‘yon na nakatiwangwang ang katawang hubad ni Mercedes?

Actually, nasa Kinatay din sina Coco at Mercedes. Alam n’yo na sigurong ang Kinatay ang latest indie film ni Direk Dante na nagpanalo sa kanya ng Best Director sa Cannes International Film Festival ngayong taon. Pero wala yatang sex scenes sina Coco at Mercedes sa Kinatay (na, actually, ay hindi pa namin napapanood). Ang may matinding sex scene yata roon, katambal ang kung sino man, ay ang dating bold star na si Ma. Isabel Lopez (na siyang babaeng kinatay sa istorya ng pelikula).

Incidentally, tumanggi na pala si Direk Dante na i-consider pa ang Kinatay para maging opening film ng Cinemalaya Independent Film Festival ngayong July sa Cultural Center of the Philippines. Nainis yata si Direk sa nabalitaan n’yang “ini-evaluate” pa ang Kinatay kung karapat-dapat maging opening film. Actually, two years ago, ang Foster Child ni Direk Dante ang naging opening film ng Cine Malaya. Galing na sa Cannes ang pelikula by that time.

Bakit hindi na lang kaya ang Manila na ipinrodyus at pinagbidahan ni Piolo Pascual ang gawing opening film? After all, more or less ay sikat na rin sa international film fest circuit na sina Adolf Alix at Raya Martin ang mga direktor ng Manila (na may dalawang istorya, kaya dalawa ang direktor nito). At ipinalabas din ‘yon sa Cannes ngayon taon bagamat hindi ito kasali sa kompetisyon.

Kung ang Manila ang magiging opening film at dadalo si Piolo sa screening, tiyak na dadagsa ang fans sa CCP!

danny vibas