yasmien, jc nag-iisnaban

Yasmein Kurdi TOTOO palang malamig na ang samahan ng dalawang dating magka-love team na sina Yasmien Kurdi at JC de Vera. Mismong kay Yasmien nanggaling na never na silang nagti-text or nagku-communicate ni JC mula nang magkaroon sila ng magkaibang programa sa Siyete. Si JC ay kapartner ngayon ni Rhian Ramos sa Lalola, samantalang si Yasmien ay partner si Dion Ignacio sa bagong soap na Saan Darating ang Umaga? Nasabi rin sa amin ni Yasmien na never niyang   naka-MU si JC kahit pa nagkasama sila sa tatlong soap opera ng GMA. Nabalik ang isyu kina Yasmien at JC nang magsalita si JC sa Showbiz Central last Sunday hinggil sa totoong naging relasyon nila ni Yasmien. Ayon kay JC, never silang naging mag-on ni Yasmien, pero nang sabihin ito ni JC ay “na-lie” siya sa lie detector test. Idinugtong  pa ni JC na kahit “mutual understanding” (MU) ay hindi raw sila nagkaroon ni Yasmien. Inamin din  ni JC na kahit magkita sila ni Yasmien ay hindi sila nagbabatian o nagkaroon ng communication pagkatapos nilang magtambal sa mga soap opera. Depensa naman ni Yasmine, busy daw siya at maaaring busy din si JC kaya hindi sila nagti-text sa isa’t isa. Nagsimula na si Yasmien na  mag-taping nu’ng October 18  para sa Saan Darating ang Uma-ga? na si Maryo J. delos Reyes ang direktor. * * * PAGKATAPOS ng Magnifico, muli na namang pupunta ng Brussels International Film Festival si Direk Maryo J. Napasama sa competition category ng 2008 Brussels Filmfest  sa November ang huling obra ng direktor na  Torotot, prodyus ng Viva Films at pinagbibidahan nina  Precious Adona, Yul Servo at Baron Geisler. Kasama ni Maryo J. na pupuntang Brussels ang M-Gage member na si Orlando Sol. Si Orlando ay invited ng organizer dahil siya ang umawit ng theme song ng Torotot. ‘Di pa sure kung kai-lan sa November aalis sina  Maryo J., Orlando at Yul papuntang Brussels . Sa ngayon ay busy sina Maryo J. at Orlando sa soap na Saan Dara-ting ang Umaga? Orlando will play the best friend of Dion Ignacio. Si Yul naman ay busy sa soap na Lalola. cut:noel asiñas journal online