Rediscovering Anna Marie Gutierrez

ANNA MARIE GUTIERREZ

Isang icon sa showbiz na matatawag si ANNA MARIE GUTIERREZ.  Namayagpag ang kanyang pangalan hindi lamang sa mga sinehan , telebisyon at dyaryo kundi sa mga pantasya ng mga Pinoy noong dekada 80.  Una siyang nasilayan bilang isa sa mga DOLPHY’S ANGELS kasabayan nina Yehlen Catral, Carmi Martin at Liz Alindogan.  Makaraan nito’y naging paborito siyang tampok ng mga sineng ang tema ay sex-comedy hanggang sa tuluyan siyang kinilalang hindi lamang bilang sexy star kundi isang magaling na aktres sa pelikulang SCORPIO NIGHTS ni Peque Gallaga.  Patuloy siyang sumikat at naging bahagi ng mga pelikulang dekalidad  tulad ng UNFAITHFUL WIFE, TAKAW TUKSO, DI MAGHILOM ANG SUGAT , MAGKAYAKAP SA MAGDAMAG at marami pang iba.

Nasa rurok siya ng tagumpay nang bigla siyang nawala sa eksena.  Maraming naging ispekulasyon kung ano ang nangyari sa kanya dahil halos

ANNA MARIE GUTIERREZ, Ngayon

walang nakakaalam kung saan siya pumunta.  Ni hindi nga niya nakuha yatang magpaalam sa kanyang mga matalik na kaibigan.  Bahagya man siyang nakalimutan ay hindi maaring tawaran ang kanyang naging kontribusyon sa pelikulang Filipino bilang aktres.  Nitong mga nakaraang panahon ay muli natin siyang natunton at masaya niyang naibalitang matagal na pala siyang naninirahan sa New York at masayang kapiling ang kanyang amerikanong asawa at  isang anak.  Marahil kung magbabakasyon man lamang si Anna Marie dito sa atin, malamang pagkakaguluhan siya ng film producers at tv networks upang kahit papaano’y maranasan muli ng sambayanan ang igting ng kanyang marubdob na pagganap!